सण रक्षबांधनाचा,

बहीण भावाच्या प्रेमाचा......

लहानपणी छोट्या छोट्या गोष्टीवरून भांडण,

माझं नाही ऐकलं तर आईला नाव सांगण;

प्रेमासोबतच बहिणीचा एक धाक होता,

भावासाठी कधी तिचा तर कधी तिच्यासाठी भावाचा त्याग होता.

भावा - बहिणींची सुखदुःखात सोबत असते,

कधी बहिणीसाठी भाऊ तर कधी भावासाठी बहीण राबत असते.

बरोबर असल्यावर कौतुक तर चुकल्यावर कान पकडण्यात बहीण मागे नसते,

कारण आई बापानंतर तिच्या एवढी जवळची व्यक्ती दुसरी कोणी नसते;

भावासाठी बहिणीच्या चेहऱ्यावर कधी हसू, तर कधी डोळ्यात पाणी असतं,

प्रत्येक बहिणीचं भावाकडे आई बापाच्या काळजीपोटी एक गाऱ्हाणं असतं!

बहीण भावाचं नात म्हणजे क्षणात मस्ती,क्षणात कट्टी,

तरीही प्रत्येकाला हवी असते एक बहिण हट्टी!!!

       -शब्दांकन: किशोर मोटकर

संघर्ष.....

 वयाच्या बाविसी तेविसीचा काळ मला सर्वाधिक संघर्षाचा वाटतो.नुकतंच शिक्षण संपलेलं असतं.नोकरी ,व्यवसाय याच्या शोधात माणूस भटकत असतो.भविष्याबद्दल अनेक संकल्पना, विचार दररोज डोक्यात येत असतात.पण त्याचबरोबर परिस्थितीची जाणीव असते त्यामुळे अनेकदा त्या विचारांबरोबर compromise करावे लागते.बापाने आपल्यासाठी आयुष्यभर खाललेल्या खस्तांची जाणीव असते.याच वयात आपल्या कुटुंबाचं आर्थिक बजेट,बापाच्या डोक्यावर असलेलं कर्ज यांची जाणीव होते,हीच जाणीव आपल्याला भानावर आणते आणि येथूनच सुरू होतो आयुष्याचा खरा संघर्ष.

                   या संघर्षात माणूस तहान भूक आणि जगणं विसरून उतरतो. अनेक वेळा खचतो,अडखळतो पण थांबु शकत नसतो.कुटुंबाच्या जबाबदाऱ्या आणि आर्थिक गणितं सांभाळताना दमछाट होते.रंगेबिरंगी वाटणाऱ्या आयुष्यातून एक एक रंग उडायला लागतो..…..........

                      पण आईबापाकडून मिळालेला संघर्षचा वारसा आणि भविष्यात दिसणारं सुख त्याला प्रेरणा देत राहतं. याच प्रेरणेतून एक दिवस तो यशस्वी होतो तेव्हा त्याच्या संघर्षात कुठेही नसलेलं जग त्याच्या यशाचं कौतुक करायला सर्वात पुढं असतं.

                   -किशोर मोटकर.

             स्वतःवर प्रेम करायला शिका, 

             दुसर्‍यांची गरज कधीच भासणार नाही.

जे काल तुमच्याबरोबर होते
ते आज तुम्हाला ठोकरत आहेत,

      

       चूक त्यांची नाही कारण ते तुम्हाला
        या जगाबरोबर कसं वागायचं ते शिकवत आहेत.

                                     - किशोर मोटकर. 

कुठपर्यंत खेळायचा हा
नजरेचा खेळ, 

तुझ्यावरचं प्रेम व्यक्त करण्यासाठी
आता मी राखून ठेवलाय वेळ. 

             - किशोर मोटकर. 

तुझी लढाई तुला एकट्यालाच लढायची आहे

तुझ्या विजयाची घोषणा मला एक दिवस ऐकायची आहे.

     
             -Kishor S. Motkar.